വ്യവസായ യുണിറ്റുകള്‍ ആരംഭിക്കാന്‍ സംസ്ഥാന കേന്ദ്ര സര്‍ക്കാരുകളുടെ പദ്ധതികള്‍ പ്രകാരം അപേക്ഷ ക്ഷണിച്ചു
വ്യവസായ യുണിറ്റുകള്‍ ആരംഭിക്കാന്‍ സംസ്ഥാന സര്‍ക്കാരിന്റെ എന്റെ ഗ്രാമം പദ്ധതിയും കേന്ദ്ര സര്‍ക്കാരിന്റെ തൊഴില്‍ദാന പദ്ധതിയും പ്രകാരം അപേക്ഷകള്‍ ക്ഷണിക്കുന്നു. ഗ്രാമീണ മേഖലകളില്‍ പി എം ഇ ജി പി പദ്ധതി പ്രകാരം പുതുതായി ആരംഭിക്കുന്ന യുണിറ്റുകള്‍ 35 ശതമാനം വരെയാണ് സബ്‌സിഡി നല്കിയിട്ടുള്ളത്. എന്നാല്‍ എന്റെ ഗ്രാമം പദ്ധതി പ്രകാരം ഇതിന് 40 ശതമാനത്തോളം സബ്‌സിഡി ഉണ്ടാകും. 5 ലക്ഷം രൂപ വരെ ആവശ്യമായ സര്‍വീസ് യുണിറ്റുകള്‍ക്കും ഉല്‍പാദന യുണിറ്റുകള്‍ക്കും പദ്ധതിയില്‍ അപേക്ഷിക്കാം. എന്റെ ഗ്രാമം പദ്ധതി പ്രകാരം പട്ടികജാതി പട്ടികവര്‍ഗം വിഭാഗങ്ങള്‍ക്ക് 40 ശതമാനം, ഒ ബി സി വനിതാ വിഭാഗങ്ങള്‍ക്ക് 30 ശതമാനം, പൊതുവിഭാഗത്തിന് 25 ശതമാനം എന്ന ക്രമത്തിലും, പി എം ഇ ജി പി പ്രകാരം പട്ടികജാതി, പട്ടികവര്‍ഗം, ഒ ബി സി, വികലാംഗര്‍, വനിതകള്‍, ന്യൂനപക്ഷം, വിമുക്ത ഭടന്മാര്‍ എന്നീ വിഭാഗങ്ങള്‍ക്ക് 35 ശതമാനവും പൊതുവിഭാഗത്തിന് 25 ശതമാനവും സബ്‌സിഡി ലഭിക്കും. വിശദവിവരങ്ങള്‍ക്ക് ജില്ല ഖാദി ഗ്രാമ വ്യവസായ ഓഫീസില്‍ നിന്നും ലഭിക്കുന്നതാണ്. ഫോണ്‍ – 0497 2700057.
