വ്യാജ ഐഡി കാർഡ് അന്വേഷണം ക്രൈംബ്രാഞ്ചിന് വിട്ടേക്കും; തനിക്കെതിരെ ഗൂഢാലോചനയെന്ന് രാഹുൽ മാങ്കൂട്ടത്തിൽ

തിരുവനന്തപുരം: വ്യാജ ഐഡി കാർഡ് നിർമിതിയിൽ അന്വേഷണം ക്രൈംബ്രാഞ്ചിന് വിട്ടേക്കും. സംസ്ഥാന വ്യാപകമായി തട്ടിപ്പു നടന്നു എന്നാണ് നിലവിലെ അന്വേഷണ സംഘത്തിൻറെ കണ്ടെത്തൽ. തിരഞ്ഞെടുപ്പുമായി ബന്ധപ്പെട്ട് വിവിധ ജില്ലകളിൽ പ്രാദേശികമായി വ്യാജ തിരിച്ചറിയൽ കാർഡുകൾ നിർമ്മിച്ചിട്ടുണ്ട്.വ്യാജ തിരിച്ചറിയൽ രേഖ തയ്യാറാക്കിയ CR – CARD എന്ന ആപ്പിക്കേഷന്റെ മദർ കാർഡ് പ്രചരിപ്പിച്ചത് കാസർകോട്ടാണ്. കേസിലെ ഒന്നും രണ്ടും സ്ഥാനത്തുള്ള പ്രതികൾ പിടിയിലാകുമ്പോൾ സഞ്ചരിച്ചിരുന്നത് രാഹുൽ മാങ്കൂട്ടത്തിന്റെ കാറിൽ ആയിരുന്നു എന്ന വിവരവും പുറത്തു വന്നു.