കേരളത്തിൽ മഴക്കെടുതിയിൽ പാസ്പോർട്ട് നഷ്ടമായവർക്കു സൗജന്യമായി പുതിയ പാസ്പോർട്ട് : സുഷമ സ്വരാജ്
ന്യൂ ഡൽഹി: കേരളത്തിലെ മഴ ദുരന്തത്തിൽ സ്വന്തം പാസ്പോർട്ട് നഷ്ട്ടമായവർക്ക് സൗജന്യമായി പുതിയ പാസ്പോർട്ട് നല്കുമെന്ന് വിദേശ കാര്യമന്ത്രി സുഷമ സ്വരാജ് അറിയിച്ചു.
വെള്ളപ്പൊക്കവും ഉരുൾlപൊട്ടലും മൂലം കേരളത്തിലെ നിരവധി വീടുകളിൽ വെള്ളം കയറുകയും പാസ്പോർട്ട് ഉൾപ്പെടെയുള്ള പ്രധാന രേഖകൾ നഷ്ടപ്പെടുകയും ചെയ്തു. ഈ സാഹചര്യത്തിലാണ് സുഷമ സ്വരാജ് ട്വിറ്ററിലൂടെ ഈ ആശ്വാസവാർത്ത അറിയിച്ചത്.
നിലവിലുള്ള സാഹചര്യങ്ങൾ സാധാരണ രീതിയിൽ ആയാൽ പുതിയ പാസ്പോർട്ട് ലഭിക്കുന്നതിന് വേണ്ടി അതാതു പാസ്പോർട്ട് കേന്ദ്രങ്ങളുമായി ബന്ധപ്പെടണമെന്ന് മന്ത്രി ട്വിറ്ററിലൂടെ അറിയിച്ചിട്ടുണ്ട്.
