മുസ്ലീം ലീഗ് നേതാവ് കെഎം ഷാജിക്ക് നിയമസഭാ യോഗങ്ങളില് പങ്കെടുക്കാന് ഉപാധികളോടെ അനുമതി.
ന്യൂഡല്ഹി: മുസ്ലീം ലീഗ് നേതാവ് കെഎം ഷാജിക്ക് നിയമസഭാ യോഗങ്ങളില് പങ്കെടുക്കാന് ഉപാധികളോടെ അനുമതി. ഷാജിയെ എംഎല്എ സ്ഥാനത്ത് നിന്ന് അയോഗ്യനാക്കിയ നടപടി താത്കാലികമായി സ്റ്റേ ചെയ്തുകൊണ്ടാണ് സുപ്രീം കോടതി ഷാജിക്ക് നിയമസഭയിലെത്താന് അനുമതി നല്കിയത്. അതേസമയം ഷാജിക്ക് നിയമസഭാ യോഗത്തില് ഇരിക്കാമെന്നല്ലാതെ വോട്ടവകാശം ഉണ്ടാവില്ല. എംഎല്എ എന്ന നിലയിലുള്ള യാതൊരു ആനുകൂല്ല്യവും കൈപ്പറ്റാനാകില്ലെന്നും കോടതി വ്യക്തമാക്കി.
ഹൈക്കോടതി വിധി ചോദ്യം ചെയ്ത് കൊണ്ട് ഷാജി സമര്പ്പിച്ച ഹര്ജിയിലാണ് സുപ്രീം കോടതി ഉത്തരവ്. ഷാജി സമര്പ്പിച്ച ഹര്ജി കോടതി ജനുവരിയില് പരിഗണിക്കും. ഹര്ജി പരിഗണിക്കുന്നതു വരെയാണ് ഹൈക്കോടതി വിധി സുപ്രീം കോടതി വിധി സ്റ്റേ ചെയ്തിരിക്കുന്നത്. എന്നാല് താത്കാലികമായെങ്കിലും കെഎം ഷാജിക്ക് വലിയ ആശ്വാസം പകരുന്നതാണ് സുപ്രീം കോടതിയുടെ വിധി.
