പ്രിഥ്വി-2 മിസൈല് പരീക്ഷണ വിക്ഷേപണം വിജയകരം.
ന്യൂഡല്ഹി: ഇന്ത്യയില് വികസിപ്പിച്ചെടുത്ത മിസൈലിന്റെ പരീക്ഷണ വിക്ഷേപണം വിജയകരമായി. ആണവായുധ പ്രയോഗ ശേഷിയുള്ള പ്രിഥ്വി-2, ഒഡീഷയിലെ ചാന്ദിപുരിലാണ് പരീക്ഷണ വിക്ഷേപണം നടന്നത്. ഇന്റഗ്രേറ്റഡ് ടെസ്റ്റ് റേഞ്ചിലെ മൊബൈല് ലോഞ്ചറില് നിന്നും രാവിലെ 9.30 ഓടെയാണ് വിക്ഷേപണം നടന്നത്.
ഉപരിതല വിക്ഷേപണം ലക്ഷ്യമിട്ടുള്ള ഈ മിസൈലിന് 350 കിലോമീറ്റര് ദൂരെ വരെയുള്ള പ്രഹരശേഷിയുണ്ട്. പരീക്ഷണം പൂര്ണ്ണവിജയമായിരുന്നുവെന്ന് സൈനിക വക്താവ് അറിയിച്ചു. 500 മുതല് 1000 കിലോഗ്രാം വരെ ഭാരം വഹിക്കാന് ശേഷിയുള്ള പ്രിഥ്വി-2ല് ദ്രവീകൃത ഇന്ധനം ഉപയോഗിക്കുന്ന ഇരട്ട എന്ജിനുകളാണുള്ളത്. ഈ മിസൈലില് അത്യാധുനിക സാങ്കേതിക വിദ്യയാണ് ഉപയോഗിച്ചിരിക്കുന്നത്.
