ആക്ടിവിസ്റ്റ് രഹ്ന ഫാത്തിമ അറസ്റ്റില്
കൊച്ചി: ആക്ടിവിസ്റ്റും നടിയുമായ രഹ്ന ഫാത്തിമയെ അറസ്റ്റ് ചെയ്തു. മതവികാരം വ്രണപ്പെടുത്തി എന്ന കേസിലാണ് രഹ്നയെ പത്തനംതിട്ട പോലീസ് അറസ്റ്റ് ചെയ്തിരിക്കുന്നത്.
എറണാകുളത്ത് വെച്ചാണ് രഹ്നയെ അറസ്റ്റ് ചെയ്തത്. ഇന്ത്യന് ശിക്ഷാ നിയമത്തിലെ 295 എ വകുപ്പു പ്രകാരമാണ് രഹ്നക്കെതിരെ കേസ് എടുത്തിരുന്നത്. ഈ കേസില് രഹ്ന മുന്കൂര് ജാമ്യത്തിനു ശ്രമിക്കുന്നതിനിടയാണ് അറസ്റ്റ് രേഖപ്പെടുത്തിയത്.
അയ്യപ്പ ഭക്തരുടെ വികാരത്തെ ചോദ്യം ചെയ്തെന്നു വ്യക്തമാക്കി ബിജെപി നേതാവ് രാധാകൃഷ്ണ മോനോനാണ് രഹ്നക്കെതിരെ പരാതി നല്കിയത്. കഴിഞ്ഞ മാസം 20 നാണ് രഹ്നക്കെതിരെ പോലീസ് കേസെടുത്തത്.
