രഹ്നയെ കൊട്ടാരക്കര സബ് ജയിലിലേക്ക് മാറ്റി
പത്തനംതിട്ട: ശബരിമല വിഷയത്തിൽ മതവികാരം വ്രണപ്പെടുത്തിയ കേസില്‍ അറസ്റ്റ് ചെയ്ത ആക്ടിവിസ്റ്റ് രഹ്നാ ഫാത്തിമയെ 14 ദിവസത്തേക്ക് റിമാന്‍ഡ് ചെയ്തു. തുടർന്ന് രഹ്നയെ കൊട്ടാരക്കര സബ് ജയിലിലേക്ക് മാറ്റി. കൊച്ചിയിൽ വെച്ചാണ് രഹ്നയെ അറസ്റ്റ് ചെയ്തത്. ഇന്ത്യന്‍ ശിക്ഷാ നിയമത്തിലെ 295 എ വകുപ്പു പ്രകാരമാണ് കേസ് എടുത്തിരിക്കുന്നത്. പത്തനംതിട്ട പോലീസിൻ്റെ നേതൃത്വത്തിലായിരുന്നു അറസ്റ്റ്. രഹ്നയുടെ മുൻകൂർ ജാമ്യപേക്ഷ കോടതി തള്ളിയതിരുന്നു.
മതവിശ്വാസത്തെ അവഹേളിക്കുന്ന പോസ്റ്റുകൾ സോഷ്യൽ മീഡിയയിൽ പ്രസിദ്ധീകരിച്ചെന്നാണ് രഹ്നക്കെതിരെയുള്ള പരാതി . കോട്ടയം തൃക്കൊടിത്താനം സ്വദേശിയാണ് പരാതി നൽകിയത്. അറസ്റ്റിന് പിന്നാലെ ബിഎസ്‌എന്‍എല്‍ രഹ്നയെ സസ്പെൻഡ് ചെയ്തിരുന്നു. സുപ്രിംകോടതി വിധിയുടെ അടിസ്ഥാനത്തിലാണ് രഹ്ന മല കയാറാനെത്തിയത്. എന്നാൽ പ്രതിഷേധമൂലം നടപ്പന്തൽ വരെയെത്തി രഹ്നക്ക് തിരിച്ചു വരേണ്ടി വന്നു. ജാമ്യപേക്ഷ തള്ളിയിട്ടും പൊതുപരിപാടികളിൽ പങ്കെടുത്തിരുന്ന രഹ്നയെ അറസ്റ്റ് ചെയ്യാത്തതിൽ പോലീസുനുമേൽ വിമർശനം ഉയർന്നതിനെ തുടർന്നാണ് നടപടിയുണ്ടായത്
