ബന്ധുക്കള് തട്ടിക്കൊണ്ടുപോയ പ്ലസ് ടുക്കാരനെ മോചിപ്പിച്ചു കുട്ടിയെ തട്ടിക്കൊണ്ടു
പത്തനംതിട്ട: സ്വത്തുതര്ക്കത്തിന്റെ പേരില് ബന്ധുക്കള് തട്ടിക്കൊണ്ടുപോയ മഞ്ഞനിക്കര സ്വദേശിയായ പ്ലസ് ടു വിദ്യാര്ത്ഥിയെ പോലീസ് രക്ഷപെടുത്തി. പെരുമ്പാവൂരില് നിന്നാണ് കുട്ടിയെ തട്ടിക്കൊണ്ടുപോയ സംഘത്തെ പിടികൂടിയത്. പരിക്കുകളോടെ രക്ഷപെടുത്തിയ കുട്ടിയെ പത്തനംതിട്ട ജനറല് ആശുപത്രിയിൽ പ്രവേശിപ്പിച്ചു.
കുട്ടിയുടെ അമ്മയുടെ സഹോദരീഭര്ത്താവാണ് തട്ടിക്കൊണ്ടുപോയതെന്ന് പോലീസ് അറിയിച്ചു. ഇയാളടക്കം അഞ്ചുപേര് പോലീസിന്റെ കസ്റ്റഡിയിലുണ്ട്. കുട്ടിയെ തട്ടിക്കൊണ്ടു പോയ സംഘം കുടുംബത്തിന്റെ പക്കൽ നിന്നും 25 ലക്ഷം രൂപ മോചനദ്രവ്യം ആവശ്യപ്പെട്ടു.
അക്രമികളുടെ കയ്യില് മാരകായുധങ്ങള് ഉണ്ടായിരുന്നെന്നും തന്റെ കൈയ്യും കാലും കെട്ടി കാറിന്റെ ഡിക്കിയിലടക്കുകയായിരുന്നുവെന്നും കുട്ടി പറഞ്ഞു. വാഹനത്തില് വെച്ച് തന്നെ മര്ദ്ദിച്ചതായും വായില് മദ്യം ഒഴിച്ചു നല്കിയതായും കുട്ടി പറഞ്ഞു. വീടാക്രമിച്ചായിരുന്നു കുട്ടിയെ തട്ടിക്കൊണ്ടു പോയത്. തട്ടിക്കൊണ്ടു പോകവേ സംഘം കുട്ടിയുടെ അമ്മയുടെ മാലയും പൊട്ടിച്ചു.
അക്രമികൾ തന്റെ കയ്യും കാലും കെട്ടി കാറിന്റെ ഡിക്കിയിലിടുകയായിരുന്നുവെന്ന് രക്ഷപെട്ട വിദ്യാർഥി. അക്രമികളുടെ കൈവശം മാരകായുധങ്ങളുണ്ടായിരുന്നു. വീട്ടിൽ കയറി ആക്രമിച്ചാണു വിദ്യാർഥിയെ തട്ടിക്കൊണ്ടുപോയതെന്നു പൊലീസും പറഞ്ഞു.
