നവരാത്രി, ദീപാവലി, ഒക്ടോബര്‍ മാസത്തില്‍ 21 ദിവസം ബാങ്കുകള്‍ക്ക് അവധി
ഡൽഹി : ഒക്ടോബര്‍ മാസത്തില്‍ ബാങ്ക് ജീവനക്കാര്‍ക്ക് ഉത്സവകാലം, അവധി ദിനങ്ങളുടെ പട്ടിക പറയുന്നതനുസരിച്ച് 21 ദിവസം ബാങ്കുകള്‍ക്ക് അവധിയായിരിയ്ക്കും. 2022 ഒക്ടോബര്‍ മാസത്തില്‍ 21 ദിവസത്തേക്ക് ബാങ്കുകൾ അടച്ചിട്ടിരിക്കുമെങ്കിലും ഓൺലൈൻ, ഇന്‍റനെറ്റ് ബാങ്കിംഗ് സേവനങ്ങൾ സാധാരണപോലെ ലഭ്യമാകുമെന്നതിനാൽ ഉപഭോക്താക്കൾക്ക് ബുദ്ധിമുട്ട് നേരിടേണ്ടി വരില്ല. വര്‍ഷത്തിലെ ഏറ്റവും വലിയ ആഘോഷങ്ങളായ നവരാത്രിയും ദീപാവലിയും ഈ വര്‍ഷം ഒക്ടോബര്‍ മാസത്തിലാണ് ആഘോഷിക്കുന്നത്. അതിനാല്‍, അവധി ദിനങ്ങളുടെ എണ്ണവും വര്‍ദ്ധിച്ചിട്ടുണ്ട്.
