‘പ്രതിഷേധിക്കുന്നവരുടെ തലയില് ചെടിച്ചട്ടി കൊണ്ട് അടിക്കുന്നതാണോ നവകേരള സദസ്?’ : വി.ഡി. സതീശൻ
സി.പി.എം. – ഡി.വൈ.എഫ്.ഐ. പ്രവര്ത്തകര് ഇന്നലെ കണ്ണൂരില് നടത്തിയത് രാഷ്ട്രീയപ്രവര്ത്തനമല്ല, ഗുണ്ടായിസവും രാഷ്ട്രീയത്തിന്റെ ക്രിമിനല്വത്ക്കരണവുമാണ് എന്ന് പ്രതിപക്ഷ നേതാവ് വി.ഡി. സതീശൻ ആരോപിച്ചു. കേട്ടുകേള്വിയില്ലാത്ത ക്രൂരമായ മര്ദ്ദനമാണ് കെ.എസ്.യു- യൂത്ത് കോണ്ഗ്രസ് പ്രവര്ത്തകര്ക്കെതിരെ അഴിച്ചുവിട്ടത്. മുഖ്യമന്ത്രിക്ക് സുരക്ഷ ഒരുക്കുന്ന ക്രിമിനലുകളായ പൊലീസുകാര് വയര്ലെസ് സെറ്റ് ഉപയോഗിച്ച് വരെ മര്ദ്ദിച്ചു. പെണ്കുട്ടി ഉള്പ്പെടെയുള്ളവരെ ചെടിച്ചട്ടിയും ഹെല്മറ്റും ഉപയോഗിച്ച് ആക്രമിച്ചു.
അക്രമത്തെ മുഖ്യമന്ത്രി ന്യായീകരിക്കുകയാണ്. പരിണിതപ്രജ്ഞരായ നിരവധി നേതാക്കള് ഇരിക്കുന്ന കസേരയിലാണ് താന് ഇരിക്കുന്നതെന്ന് പിണറായി വിജയന് മറന്നു പോയിരിക്കുകയാണ്. പാര്ട്ടി സംസ്ഥാന സെക്രട്ടറിയായിരിക്കുമ്പോള് രാഷ്ട്രീയ എതിരാളികളെ കൊല്ലാനും വീടുകള് കത്തിക്കാനും ഉത്തരവ് നല്കിയിരുന്ന ക്രിമിനലായിരുന്നു പിണറായി വിജയന്. അതേ ക്രിമിനല് മനസുള്ള ഒരാളാണ് മുഖ്യമന്ത്രിക്കസേരയില് ഇരിക്കുന്നതെന്ന് ഓര്ത്ത് കേരളം ലജ്ജിക്കുകയാണ്.
