ആറ് വയസ്സുകാരിയെ തട്ടികൊണ്ടു പോയ കേസില് പ്രതികളുടെ അറസ്റ്റ് രേഖപ്പെടുത്തി
കൊല്ലം: ഓയൂരില് ആറ് വയസ്സുകാരിയെ തട്ടികൊണ്ടു പോയ കേസില് പ്രതികളുടെ അറസ്റ്റ് രേഖപ്പെടുത്തി. ഒന്നാം പ്രതി പത്മകുമാര്, രണ്ടാം പ്രതി പത്മകുമാറിന്റെ ഭാര്യ അനിത, മൂന്നാം പ്രതിയായ ഇവരുടെ മകള് അനുപമ എന്നിവരെയാണ് പൊലീസ് അറസ്റ്റ് ചെയ്തത്. പൂയപ്പള്ളി ഇൻസ്പെക്ടറാണ് അറസ്റ്റ് രേഖപ്പെടുത്തിയത്. പ്രതികളെ അൽപസമയത്തിനകം അടൂര് കെഎപി ക്യാമ്പിൽ നിന്ന് പൂയപ്പള്ളി സ്റ്റേഷനിൽ എത്തിക്കും. ശേഷം വൈദ്യ പരിശോധനയ്ക്ക് കൊണ്ട് പോകും. വൈദ്യ പരിശോധനയ്ക്ക് ശേഷം മൂന്ന് പ്രതികളെയും കൊട്ടരക്കര കോടതിയിൽ ഹാജരാക്കും. പ്രതികളെ പൊലീസ് കസ്റ്റഡിയിൽ ആവശ്യപ്പെടും.
