മൈചോങ് ചുഴലിക്കാറ്റ് ആന്ധ്രാ തീരത്ത് അടുക്കുന്നു . അഞ്ചിന് കര തൊടും. സംസ്ഥാനങ്ങളിൽ ജാഗൃത നിർദേശം
ന്യൂഡൽഹി: തെക്കുപടിഞ്ഞാറൻ ബംഗാൾ ഉൾക്കടലിൽ രൂപം കൊണ്ട ന്യൂനമർദ്ദം കഴിഞ്ഞ ആറ് മണിക്കൂറിനുള്ളിൽ ഒമ്പത് കിലോ മീറ്റർ വേഗതയിൽ പടിഞ്ഞാറ്- വടക്ക് പടിഞ്ഞാറ് ദിശയിൽ സഞ്ചരിച്ചതായി കേന്ദ്ര കാലാവസ്ഥാ വകുപ്പ്. ന്യൂനമർദ്ദം ശക്തിപ്രാപിക്കുന്ന സാഹചര്യത്തിൽ ആന്ധ്രാപ്രദേശ്, തമിഴ്‌നാട് തീരങ്ങളിൽ ഇടിയോട് കൂടിയ കനത്ത മഴക്ക് സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നൽകിയിട്ടുണ്ട്.ന്യൂനമർദ്ദം ഈ മാസം അഞ്ചാം തീയതിയോടെ ചുഴലിക്കാറ്റായി തീരം തൊടും. നിലവിൽ ന്യൂനമർദ്ദത്തിന്റെ സ്ഥാനം ചെന്നൈ തീരത്ത് നിന്നും 630 കിലോമീറ്റർ കിഴക്ക്-തെക്ക് കിഴക്കായും, നെല്ലൂരിൽ നിന്നും 740 തെക്ക് കിഴക്ക് ദിശയിലുമാണ്.
