പാകിസ്ഥാനെതിരെ ഇന്ത്യയ്ക്ക് തകര്‍പ്പന്‍ വിജയം: ചാംപ്യന്‍സ് ട്രോഫി ക്രിക്കറ്റ് പോരാട്ടത്തിനു തുടക്കം കുറിച്ചത് ഇന്ത്യ പാകിസ്ഥാനെ ദയനീയമായി പരാജയപ്പെടുത്തികൊണ്ട്.
ബര്‍മിങ്ങാം: ചാംപ്യന്‍സ് ട്രോഫി ക്രിക്കറ്റ് പോരാട്ടത്തിന് തുടക്കം കുറിച്ചത് പാകിസ്ഥാനുമേല്‍ ഇന്ത്യ തകര്‍പ്പന്‍ വിജയം കൈവരിച്ചുകൊണ്ടാണ്. ആജന്മ ശത്രുവായ പാകിസ്ഥാന്‍ ടീമിനെതിരെ പൂര്‍ണ്ണ ആധിപത്യം പുലര്‍ത്തികൊണ്ടാണ് ഇന്ത്യ കളിച്ചു ജയിച്ചത്. ലോക കപ്പ്‌ ചാംപ്യന്‍സ് ട്രോഫി ക്രിക്കറ്റ് ഇവയിലൂടെ ഇന്ത്യ 13 തവണയാണ് പാകിസ്ഥാനെ തോല്‍പ്പിച്ചിട്ടുള്ളത്. അവസാനമായി നടന്ന 7 ഐസിസി ചാംപ്യന്‍ഷിപ്പുകളിലും ഇന്ത്യ പാകിസ്ഥാനെ അടിയറവ് പറയിച്ചിട്ടുണ്ട്.
2009ല്‍ ദക്ഷിണാഫ്രിക്കയില്‍ നടന്ന ചാംപ്യന്‍സ് ട്രോഫി മത്സരത്തിലാണ് അവസാനമായി പാകിസ്ഥാന്‍ ഇന്ത്യയെ തോല്‍പ്പിച്ചത്. പാകിസ്ഥാനെതിരെ നടന്ന കളിയില്‍ ഇന്ത്യ 124 റണ്‍സിനാണ് തിളക്കമാര്‍ന്ന വിജയം കരസ്ഥമാക്കിയത്.
