പിടികിട്ടാപ്പുള്ളി സുകുമാരക്കുറുപ്പിന്റെ ജീവിത കഥ പറയുന്ന സിനിമയിൽ നായകനായി ദുൽഖർ സൽമാൻ : ഫസ്റ്റ്ലുക്ക് പുറത്തു വന്നു
ഒരു സമയം കേരളത്തെ ഞെട്ടിച്ച ഇന്നും പിടികിട്ടാപ്പുള്ളിയായി കാണാമറയത്തെവിടെയോ ഉള്ള സുകുമാരക്കുറുപ്പിന്റെ ജീവിത കഥയാണ് അഭ്രപാളികളിൽ പകർത്തുന്നത്. ദുൽഖർ നായകനായ ഈ ചിത്രത്തിന്റെ ടൈറ്റിൽ പോസ്റ്റർ പുറത്തു വന്നു. ഈ ചിത്രം സംവിധാനം ചെയ്യുന്നത് ശ്രീനാഥ് രവീന്ദ്രൻ ആണ്.
ദാനിൽ സായൂജ്, കെ എസ് അരവിന്ദ് എന്നിവർ ചേർന്നാണ് ഈ ചിത്രത്തിന് തിരക്കഥ ഒരുക്കിയിരിക്കുന്നത്. അരങ്ങത്ത് കാണുന്നതിനെക്കാൾ വിസ്മയമുളവാക്കുന്നതാണ് അണിയറ സത്യങ്ങളെന്നു ശ്രീനാഥ് രവീന്ദ്രൻ ഫേസ് ബുക്കിൽ കുറിക്കുന്നു.