ദേശീയ പുരസ്‌ക്കാരത്തിനായി മമ്മൂട്ടിയും മോഹൻലാലും മത്സരിക്കുമ്പോൾ..?
തിരുവനന്തപുരം: ഇൗ വ‍ർഷത്തെ ദേശീയ പുരസ്കാരത്തിന് സൂപ്പ‍ർ താരങ്ങൾ കൊമ്പു കോ‍ർക്കുമോ എന്ന് ഉറ്റു നോക്കുകയാണ് സിനിമലോകം. കാരണം മമ്മൂട്ടിയുടെ ‘പേരൻപ്’ എന്ന ചിത്രം ഗോവയിലെ ഇന്ത്യൻ പനോരമയിൽ പ്രേക്ഷക ശ്രദ്ധ നേടുകയാണ് . അതേ സമയം തന്നെ ബിഗ് ബജറ്റ് ചിത്രം ‘ഒടിയൻ’ മോഹൻലാലിൻ്റെ ഇൗ വ‍ർഷത്തെ ഏറ്റവും മികച്ച അഭിനയ പ്രകടനവുമായാണ് എത്തുമെന്നതെന്നാണ് റിപ്പോ‍ർട്ടുകൾ. ഒടിയനിലെ അസാധ്യ അഭിനയത്തിന് മോഹന്‍ലാലിന് ഈ വര്‍ഷത്തെ എല്ലാ അവാര്‍ഡുകളും ലഭിക്കുമെന്നാണ് സംവിധായകൻ ശ്രീകുമാര്‍ മേനോന്‍ പറയുന്നത് അങ്ങനെയാണെങ്കിൽ 2018ൽ ഇറങ്ങിയ മലയാള ചിത്രങ്ങളിൽ ഒടിയനും പേരൻപും ദേശീയ പുരസ്കാര നി‍ർണ്ണയത്തിൽ കടുത്ത പോരാട്ടമായിരിക്കും നടത്തുക. തരമണി, തങ്കമീൻകൾ തുടങ്ങിയ തമിഴ് ചിത്രങ്ങളിലൂടെ ശ്രദ്ധേയനായ സംവിധായകൻ റാമിൻ്റെ കരിയറിലെ മികച്ച ചിത്രമാണ് പേരൻപ്. ഗോവയിലെ രാജ്യന്തര ചലച്ചിത്രമേളയിൽ പ്രേക്ഷക അഭ്യ‍‍ർഥന പരിഗണിച്ച് ചിത്രം രണ്ടാമതും പ്രദ‍ർശിപ്പിച്ചിരുന്നു. പേരൻപിലെ അമുദൻ എന്ന ടാക്ശി ഡ്രൈവറായുള്ള മെഗാസ്റ്റാറിൻ്റെ വേഷപകർച്ചക്ക് ദേശീയ അവാ‍ർഡ് തേടി വരുമെന്ന് ചിത്രം കണ്ടിറങ്ങിയ സംവിധായകരടക്കമുള്ളവർ പറയുന്നു
