ഒടിയൻ്റെ കഥ അമേരിക്കയില്‍ രജിസ്റ്റര്‍ ചെയ്തത് എന്തിന്?
ലോകമെങ്ങുമുള്ള മലയാളികൾ ആകാംക്ഷയോടെ കാത്തിരിക്കുന്ന മോഹൻലാൽ ചിത്രമാണ് ഒടിയൻ. ഡിസംബ‍ർ 14നാണ് ചിത്രത്തിൻ്റെ റിലീസ്. മിത്തും, ഫാൻ്റസിയും ഇഴ ചേ‍ർന്ന അസാധാരണ ദൃശ്യനുഭവമായിരിക്കും ചിത്രമായിരിക്കും എന്നതാണ് ചിത്രത്തിൻ്റെ ടീസറും പോസ്റ്ററുകളും നൽകുന്ന സൂചന. പരസ്യ സംവിധായകൻ ശ്രീകുമാ‍ർ മേനോൻ്റെ ആദ്യ ചിത്രമാണിത്. ചിത്രത്തിൻ്റെ തിരക്കഥ തയ്യാറാക്കിയിരിക്കുന്ന ദേശീയ പുരസ്കാര ജേതാവ് ഹരികൃഷ്ണനാണ്.
മോഹൻലാലിന് വേണ്ടി മാത്രമാണ് ഒടിയൻ എഴുതിയതന്നും, ലോകത്ത് ഒരിടത്തും ഇതു പോലെയൊരു കഥ വന്നിട്ടില്ലെന്നും ഹരികൃഷ്ണൻ പറയുന്നു. ഇങ്ങനെയൊരു കഥ ഇനി ഒരിടത്തും വരാതിരിക്കാനാണ് അമേരിക്കയിൽ കഥ രജിസ്റ്റ‍ർ ചെയ്തതെന്നും അദ്ദേഹം പറഞ്ഞു. പ്രസ് ക്ലബിൽ മാധ്യമ പ്രവ‍ർത്തകരുമായുള്ള മുഖാമുഖം പരിപാടിയിൽ സംസാരിക്കുകയായിരുന്നു അദ്ദേഹം.
ഒടിയൻ്റെ ഇൻട്രോ സീനുകളാണ് ആദ്യമെഴുതിയത്. വായിച്ചയുടനെ മോഹൻലാൽ സമ്മതം അറിയിക്കുകയായിരുന്നു. മോഹൻലാലിൻ്റെ അഭിനയം പ്രതീക്ഷകൾക്കപ്പുറത്തായിരുന്നുവെന്ന് ഹരികൃഷ്‌ണന്‍ പറഞ്ഞു. മഞ്ജു വാര്യരാണ് ചിത്രത്തിലെ നായിക. പ്രകാശ് രാജാണ് വില്ലൻ വേഷത്തിലെത്തുന്നത്
