തമിഴ് നടി റിയാമിക്ക(26)യുടെ ആത്മഹത്യയെ തുടര്‍ന്ന് കാമുകൻ പോലീസ് കസ്റ്റഡയിൽ.
ചെന്നൈ: തമിഴ് നടി റിയാമിക്ക(26)യുടെ ആത്മഹത്യയെ തുടര്‍ന്ന് കാമുകൻ പോലീസ് കസ്റ്റഡയിൽ. ചെന്നൈ വത്സര വാക്കത്തെ സഹോദരന്‍റെ ഫ്ലാറ്റിലാണ് വ്യാഴാഴ്ച രാത്രി റിയയെ മരിച്ചനിലയില്‍ കണ്ടെത്തിയത്. മരണകാരണം വ്യക്തമല്ലെന്നാണ് പോലീസ് ആദ്യം അറിയിച്ചിരുന്നത്. നടിയുടെ ആത്മഹത്യാ കുറിപ്പും ലഭിച്ചിട്ടില്ലെന്നും പൊലീസ് മാധ്യമങ്ങളോട് പറഞ്ഞിരുന്നു. എന്നാൽ പിന്നീട് നടിയുടെ സഹോദരന്‍റെ പരാതിയുടെ അടിസ്ഥാനത്തിലാണ് കാമുകനായ ദിനേശിനെ വെള്ളിയാഴ്ച രാവിലെ പോലീസ് കസ്റ്റഡിയിലെടുത്തത്.
റിയ വ്യാഴാഴ്ച ഫ്ലാറ്റിൽ ഒറ്റയ്ക്കായിരുന്നു. സഹോദരൻ പ്രകാശ്, റിയയെ ഫോണ്‍ വിളിച്ചിട്ട് എടുക്കാത്തതിനെ തുടര്‍ന്ന് ഫ്ലാറ്റിലെത്തിയപ്പോഴാണ് റിയയെ ആത്മഹത്യ ചെയ്തനിലയില്‍ കണ്ടെത്തിയത്. കഴിഞ്ഞ ചൊവ്വാഴ്ചയാണ് റിയയെ അവസാനം കണ്ടതെന്നാണ് ജോലി ആവശ്യത്തിനായി പോയിരുന്ന സഹോദരന്‍റെ മൊഴി.
എന്നാൽ റിയയുടെ കാമുകന്‍ ദിനേശ് കഴിഞ്ഞദിവസങ്ങളില്‍ ഫ്ളാറ്റില്‍ വന്നിരുന്നുവെന്ന് സുഹൃത്തുക്കള്‍ പറഞ്ഞിരുന്നു. ശേഷം ഇരുവരും തമ്മില്‍ വഴക്കുണ്ടായെന്നും പ്രകാശ് പോലീസിന് നൽകിയ പരാതിയിലുണ്ട്.
ഇതിന്റെ അടിസ്ഥാനത്തിലാണ് പ്രകാശ് പോലീസിൽ പരാതി നൽകിയതും ദിനേശിനെ പൊലീസ് കസ്റ്റഡിയില്‍ എടുത്തതും. മരണത്തില്‍ ദുരൂഹതയുണ്ടെന്നും പരാതിയില്‍ അന്വേഷണം തുടരുകയാണെന്നും പോലീസ് അറിയിച്ചിട്ടുണ്ട്. കുന്ദ്രതിലെ കുമാരനുക്ക് കൊണ്ടാട്ടം, അഘോരിയിൻ ആട്ടം എന്നീ ചിത്രങ്ങളിൽ അഭിനയിച്ചിട്ടുണ്ട് റിയാമ്മിക്ക.കഴിഞ്ഞ കുറച്ചുനാളുകളായി സിനിമയിൽ നിന്നും വിട്ട് നിൽക്കുകയായിരുന്നു ഇവര്‍.
യുടെ ആത്മഹത്യയെ തുടര്‍ന്ന് കാമുകൻ പോലീസ് കസ്റ്റഡയിൽ.){kind=link}